Dia 11 di desèmber último, Orca tabatin kulminashon di nan kompetensia di waterpolo interno ku a kuminsá for di djasabra 27 di novèmber 2021. 68 waterpolista hóben, mucha hòmber i mucha muhé i adulto tabata aktivo durante di e dianan di kompetensia ku ta tras di lomba. Tur aña tin kompetensia lokal di waterpolo, debí ku ta Orca ta e úniko ekipo na Kòrsou ku ta práktika waterpolo, ta parti e kategorianan den dos òf tres ekipo balansa i pareu pa nan kompetí kontra di otro.Ta trata di e kategorianan U14, U17 i U19 & Senior. Den e kategoria di U14 iU19 & Senior a hunga un seri mihó di sinku (5) wega i kategoria di U17 a hunga e sistema di Round Robbin, semi final i final.E weganan a tuma lugá na Pisina Bennie Leito i na Pirate Bay, Piscadera, dilanti di e pir di Carmabi.Tur atleta di e timnan ku a gana e seri mihó di sinku (5) wega di nan kategoria a risibí medaya di oro i tur atleta di e otro tim a risibí medaya di plata. E atletanan di U17 a risibí medaya di Oro, plata i brons respektivamente.Direktiva di Orca ta manda un palabra di gradisimentu na gerensia di Carmabi i Pirate Bay pa a laga e weganan tuma lugá na e sitio.
Kisas bo yu ta gusta landa pero no tin un deporte den mente ainda pa hasi, trese pa wak si e ta gusta ku waterpolo i ken sa!Por tuma kontakto na tel: 529 6586 ku Vernon Toré pa mas informashon.
Afgelopen week had Sport Club Orca Curaçao bezoek van een inmiddels 50+ vriendenclub van waterpolo en ex-waterpolo spelers uit Twente. Watersport Twente.
Na hun Europesche tour in 2019 wilden ze in 2020 naar Bari in Italie. Door Covid kon deze trip niet doorgaan.In het voorjaar van dit jaar besloten ze het dan dit jaar maar dubbelop te doen.Wat langer en wat verder weg! Curaçao is het geworden. Fantastische huisvesting, mooie sightseeing tours, genieten van het eiland en natuurlijk WATERPOLO bij/met Swim Club Orca!!!
Het was ontzettend leuk om met jullie te trainen. De wedstrijden waren TOF. Onze atleten hebben heel wat geleerd. Goede voorbereiding voor ons toernooi van juni 2022. Danki heren, fijn dat jullie er waren. Hopelijk zien we elkaar weer gauw.
Orca su atletanan di “speed zwemmen” a kompeti den e wikent di 27 di febrüari i 6 di mart 2021 na e di 3de Open organisá pa FAK na Pisina Enith Brigitha na SDK. Atleta i coach ta trahando duru pa mehora e tempunan ku e atletanan a landa aña pasa. Hopi bon trabou muchanan!! Sigui ku e bon trabou coachnan!!!
Di parti di direktiva di Orca, masha masha pabien na e atletanan di Synchro, Aegea Alberto 05-03-2013 i Zjarnalisa Arrindel 15-07-2012, ku a partisipá na e kompetensia di New Star Competition 2021 den e fin di siman ku a pasa, esta dia 26 pa 28 di febrüari 2021.
Bon prestashon!!!!Aegea a logra medaya di oro den su kategoria i Zjarnalisa a sali na di seis luga den su kategoria.
Atletanan, mayornan, boluntarionan i coachnan masha masha danki pa boso esfuerso!
Pabien i sigui ku e bon trabou!!!
Klinika pa coachnan di landamentu di Kòrsou duna pa entrenadonan di KNZB, esta e coachnan di e selekshon di Hulanda ku a trein pa un temporada aki na Kòrsou den e pisina na SDK, Pisina Enith Brigitha.Coach Shantey i coach Rudsel a partisipá na e kurso. Na final di e kurso nan a risibí nan sertifikado!!!Hopi great i pabien coach Shantey i coach Rudsel!!!!Riba e potretnan Orca su coachnan huntu ku e Head coach di e selekshon di Hulanda.
Coach Annette Stemerding di Hulanda a duna atletanan di waterpolo U14 di Orca treinen pa sinku (5) siman largu. Riba djaluna i djaweps atardi for di 04 di yanüari pa 04 di febrüari coach Annette a trein i drill atletanan di Orca waterpolo di U14. Coach Vernon Toré i asistente Eran van Dijk tabata sigui i siña e ehesisionan for di coach Annette.
Coach Annette Stemerding ta “arts-microbioloog” (médiko-mikrobiólogo). Banda di su trabou coach Annette ta duna treinen di waterpolo na Hulanda. Coach Annette a hunga waterpolo pa añanan largu i ta duna treinen na hóbennan pa basta aña kaba. Coach Annette tin lisensia di KNZB pa duna treinen di waterpolo. Coach Annette a regala Orca waterpolo 30 bala di waterpolo, pa Orca por sigui desaroya e deporte di waterpolo aki na Kòrsou.
Coach Annette a indika ku e muchanan tin hopi potensial i loke ta importante ku nan tin hopi antusiasmo i hopi gana pa praktika e deporte di waterpolo.
Coach Annette a keda enkanta ku Kòrsou i lo ke bolbe bek un dia pa duna e deporte di waterpolo un man atrobe.
Direktiva di Orca ta gradisi Coach Annette i ta apresia kon bon ela trein e muchanan pa e tiki tempu ku e tabata na Kòrsou.
Coach Annette, masha masha danki na nòmber di e Atletanan di U14 di Orca, mayor di e atletanan, coachnan i Direktiva di Orca.
Swim Club Orca Curaçao awe ta selebra su di 6 aniversario.Seis aña di trabou duru i lucha ta praktika e deporte di natashon i ta desaroya su atleta pa e ta un bon i eksitoso deportista i pa despues ta un miho persona den nos komunidat!!!!E disiplinanan ku Orca ta praktika ta:*Landamentu rekreativo i kompetivo, *waterpolo mucha hòmber i mucha muhetur kategoria tambe senior, *master swimming (treinen pa adulto),*landamentu sinkronisa (waterbalet),
Te ahinda Orca ta tratando pa kuminsapraktika e disiplinanan di:*Diving (bula kabes) i Open Waters (landamentu di distansia den laman).
Tambe tres bia pa aña Orca ta duna lès di peuter, esta pa mucha di 3 i 4 aña sera konosi ku awa.
Orca ta yama danki na tur su atletanan, mayornan, head coach, coachnan, instruktornan i tur boluntario ku a hasi posibel ku Orca por tei un aña mas. Danki na boso sosten.Orca tei!!!Pabien Orca!!!!
Pa mas informashon por yama òf WhatsApp na number di telefòn +599 9 529 6586
DEPORTE
Willemstad, 13 di desèmber 2020
Kulminashon di kompetensia di waterpolo Swim Club Orca Curacao!
Dia 12 di desèmber último, Orca tabatin kulminashon di nan kompetensia di waterpolo ku a kuminsá for di 16 di novèmber 2020. Mas òf ménos 80 waterpolista hóben bou di 18 aña, mucha hòmber i mucha muhé i adulto tabata aktivo durante di e dianan di kompetensia ku ta tras di lomba.
Tur aña tin kompetensia lokal di waterpolo, debí ku ta Orca ta e úniko ekipo di waterpolo na Kòrsou ku ta práktika waterpolo, a parti e kategorianan den dos ekipo balansa i pareu pa nan kompetí kontra di otro.
Ta trata di e kategorianan U12, U14, U16 i U19 & señor. Kada kategoria a hunga un seri mihó di shete (7) wega.
E weganan a tuma lugá na Pisina Bennie Leito i na Pirate Bay, Piscadera, dilanti di e pir di Carmabi. Eweganan di e kategoria di U19 & señor i U16 a keda di “live stream” pa Game On, tremendo i un hopi bon trabou i profeshonal transmishon. Direktiva Orca ta gradisí Game On pa e bon trabou desplegá i ta partisipá ku por haña e weganan aki bek riba Game On su Facebook.
Tur atleta di e timnan ku a gana e seri mihó di shete (7) wega di nan kategoria a risibí medaya di oro i tur Atleta di e otro tim risibí medaya di plata. Direktiva Orca ta gradisí MCB pa e gesto bunita aki.
Tambe Direktiva di Orca ta manda un palabra di gradisimentu na gerensia di Carmabi i Pirate Bay pa a laga e weganan tuma lugá na e sitio.
Kisas bo yu ta gusta landa pero no tin un deporte den mente ainda pa hasi, trese pa wak si e ta gusta ku waterpolo i ken sa! Por yama na tel: 529 6586 Vernon Toré pa mas informashon.
Skibí pa,
Vernon Toré
Presidente di Orca,
Nota: Athunto potrèt di e timnan U12, U14 i U16 ku nan medaya bisti despues di kada wega!
DEPORTE
Willemstad, 01 di desèmber 2020
Eksitoso kurso pa familiarisa ku awa pa mucha di 3 i 4 aña ku Orca a organisá
Djadumingu último na Pisina Bennie Leito a terminá un kurso pa muchanan di 3 i 4 aña familiarisa ku awa, organisá pa Swim Club Orca Curaçao (Orca).
Ta hopi “great” pa mira kon kontentu e muchanan i nan mayornan tabata ora ku tur e muchanan a pasa na tèst ku éksito. Durashon di e kurso tabata 3 luna riba djasabra di 4’or pa 5’or di atardi i djadumingu di 9’or pa 10 ‘or di mainta, esta dos bia pa siman nan tabata haña instrukshon den forma di wega. For di kita miedu te ku bula for di e sprenplank di 1 meter e muchanan a siña serka e instruktornan di Orca.
Kabando e kurso aki no ta nifiká ku e muchanan sa landa, semper nan mester tin un “gordel” bisti i nan mester ta kompaña pa nan mayor (nan).
Djadumingu 29 di novèmber último e muchanan a risibí nan sertifikado, riba e pòtrèt por mira tur e muchanan ku a pasa nan tèst ku éksito.
Na luna di febrüari 2021 lo kuminsá un kurso nobo pa muchanan di 3 i 4 aña familiarisa ku awa.
Skibí pa:
Vernon Toré
Presidente di Orca
Tel: 529 6586