Djasabra 17 di desèmber Swim Club ORCA Curaçao (Orca) a será aña pa miembro i famia. Kada disiplina a demostrá nan spesialidat. “Waterballet” a duna nan presentashon ku un grupo grandi di atleta di, entre 6-10 aña, “beginners” i atletanan mas avansa, un show riba tono di e kantika “All I Want For Christmas Is You” di Mariah Carey. “Wedstrijdzwemmen” i “master Swimming” a landa un “estafette” kaminda nan a landa tur estilo. E grupo di waterpolo di U12, U14, U16, U19 i e grupo di Senior a hunga un wega di waterpolo kaminda e grupo di U12 a wòrdu guia pa e grupo di “jeugd trainers”.
E dia a kaba festivo i tabatin algu di kome i di bebe. ORCA ke gradisí tur hende pa e aña ku tras di lomba i ta deseá tur hende un Bon Pasku i Un Próspero Aña Nobo.
04 di yanüari 2023 tur treinen di Swim Club ORCA Curaçao ta kuminsá atrobe.
