Willemstad, 08 di Sèptèmber 2023 Swim Club Orca Curaçao eksitoso interkambio deportivo na Boneiru. Direktiva di Swim Club Orca Curaçao (Orca) por mira bèk, riba un fin di siman hopi fruktífero na Boneiru, pa e disiplina di Waterpolo kategoria U12 mucha hòmber i mucha muhé meks.
Djabièrnè 08 di sèptèmber 2023 un delegashon di 18 persona (atleta, dirigente i guia) a biaha pa Boneiru pa partisipá na un interkambio di Waterpolo, organisá pa e tim Barracuda’s. Tur wega a kuminsá na ora i tur kos a kana hopi bon! E wega nan a keda hunga na e Sea Pool flotante nobo nobo.
Un delegashon di 18 persona di kual 10 ta atleta, 3 coach, 3 mayor (fanatiko) i e hefe di delegashon tabata na Boneiru. Di e 10 atletanan, 7 tabata di e grupo di e proyekto di school waterpolo di 2 aña eskolar pasa, e proyekto ku a keda di spònser pa ENNIA i a keda organisá i guia pa ORCA den estrecho koperashon ku FDDK. E atleta nan di e aña ei ta birando mas mihó kada aña i ta bini ku hopi smak pa trein e deporte di Waterpolo. E grupo di aña eskolar pasa, ku mesun spònsernan, ta bezig ta trein riba djaluna i djaweps di 18.00 pa 19.00 pa otro aña nan tambe forma parti di e interkambio deportivo entre Boneiru i Kòrsou na Boneiru.
Mucha entre 7 pa 10 aña ku no ta hasi un deporte ainda anto sa landa, por bin hasi un try-out (gratìs) te ku òktober den e orario ariba menshoná pa wak ku e ta gusta i asina e por bin práktika e deporte di waterpolo.
Direktiva di Orca ta gradisí tur atleta pa nan komportashon i prestashon i coachnan pa e gran trabou ku nan a desplegá promé i durante di e biahe na Boneiru.
Atentamente,
Vernon Toré Presidente di Swim Club Orca Curaçao Tel: 529 6586
