Swim Club Orca Curaçao (Orca) tabata ku 32 atleta di waterpolo na Boneiru serka e tim di waterpolo Barracudas den e fin di siman di 06 pa 08 di sèptèmber2024.
32 atleta, 10 coach/guiá i 28 “supporters” di Kòrsou tabata na Boneiru pa un interkambio deportivo.
A kompetí den e kategorianan U10, U12 i U14. Den e kategoria di U10, kòrsou a logra di gana tur su weganan, 18-4, 7-4, 4-2 i 9-9
De e kategoria di U12, tabatin 3 tim, Cur 1, Cur 2 i Bon. Cur 1 a bai final ku Cur 2. Den final Cur 1 a gana di Cur 2 ku skor di 9 pa 5.
De e kategoria di U14, aki mester a miks ku Boneiru. Dor ku algun atleta di Boneiru tabata na Kòrsou pa kompetí den kompetensia di natashon.
A traha dos tim huntu ku e atletanan di Boneiru, esta Miks 1 vs Miks 2.
Nan a empatá 1 wega 4 pa 4, gana 3 wega, 5 pa 4, 7 pa 6 i 5 pa 4.
E atletanan a sa di duna tur ku nan tabata por i por a mira adelanto sigur. Coach nan a sa di probechá pa trein sistema pa defendé i evitá ku e kontrinkante ta hinka gol pa sali den kontra golpe. Tambe e manera pa ataká, esta formashon dilanti di gol di e kontrinkante den mitar sírkulo pa trata na usá e atleta dilanti sentral òf buska un tiru for di e mitar sírkulo. Tiki tiki bo ta mira ku den e weganan esaki mas i mas e sistema ta kristalisando.
Direktiva di Orca por wak bèk riba un fin di siman karga ku weganan i un programa pisa ku bastante wega di treinen ku coach nan a saka lo máksimo for di dje.
