Den e fin di siman, djabièrnè 08 pa djadumingu 10 di mart 2024, watepolo tabata aktivo atrobe den un interkambio deportivo entre waterpolistanan di Boneiru i di Kòrsou den e kategorianan U12 na Pisina Bennie Leito.
FAK, Federashon Aquatiko Kòrsou, a organisá e interkambio aki i e por wak bèk riba un fin di siman hopi fruktifero.
Djabièrnè Kòrsou B a sali kontra Kòrsou C den e prome wega, e wega a sali 8 pa 10 pa Kòrsou C.
Korsou A a sali kontra di e tim di Boneiru, e wega a sali empata na 9.
E atletanan a hasi nan best i a duna un bon bataya. Hopi great mira kon e muchanan ta kompeti kontra di otro!
Djasabra a miks i a traha 4 tim di 8 atleta, den e timnan tabatin atleta di kada tim i a hunga Round Robin di 10 wega di 1 periodo di 6 minüt neto pa treinen i e muchanan a konose e coachnan di Kòrsou i Boneiru i meskos a hasi parti atardi.
E tabata un bon treinen pa e atletanan.
Djadumingu
Kòrsou C a sali kontra Kòrsou B, tremendo wega ku un bon publiko, e wega a sali 5 pa 4 pa Kòrsou C.
Despues e wega Kòrsou A kontra di e tim di Boneiru. Wel, tremendo partido di waterpolo. e publiko a keda riba tenshon i a gosa kon e dos ekiponan aki enfrenta otro.
E wega a kana hopi pareu i tabata un wega tremendo pa wak. Den e di 4 periodo, Kòrsou A a bai dilanti 10 pa 5 pa despues e tim di Boneiru a haña un pinalti na fabor i a hinka esaki pa e wega kaba 10 pa 6 na fabor di e tim di Kòrsou A.
E grupo di atletanan aki ta e atletanan di e proyekto di skol ku ENNIA a hunga un rol importante pa a rekluta e atletanan aki i awor ta mirando e desaroyo di e atletanan aki, ku ta kanando hopi bon!
Zuiver!Na september 06 te ku 08 2024, ta beurt pa e kategoria aki, U12 di Kòrsou bai Boneiru pa kompeti kontra di Boneiru.