Djasabra 24 di febrüari 2024, Swim Club Orca Curaçao (Orca), a tuma despedida di Coach Solange ku lo bai biba Hulanda bèk despues di 3 aña i 7 luna ku Coach Solange a yuda Orca su sekshon di Waterpolo ku:
* Schoolwaterpolo project (project ku Ennia a hunga un rol hopi grandi den dje pa 2 aña).
* duna treinen na e muchanan di Schoolwaterpolo project, esunnan ku a sigui trein den tim serka Orca atardi.
* Bai un torneo di Waterpolo na Boneiru ku e muchanan di Schoolwaterpolo project ku a sigui trein den tim atardi.
* Coach di e tim di e muchanan di Schoolwaterpolo project ku a enfrenta Boneiru den un interkambio deportivo na Kòrsou
* Organisá wega di fogeo pa e atletanan di Orca femenina kontra di un tim di Hulanda di ZV Rotterdam.
* Kordina e parti femenina di e torneo internashonal ku Orca ta organisá.
* Guia e hobennan ku a sigui kurso di entrenado di Waterpolo durante di e treinen nan di atardi di Orca.
Djasabra Coach Solange a sinta i wak e atletanan hunga diferente partido di Waterpolo i kon e coachnan ku ela guia tabata dirigi e atletanan. Coach Solange a atmira su trabou di mira kon dilanti e atletanan a bai for di kaminda nan a kuminsa i e tremendo trabou ku e coachnan ta hasi.
Despues e atletanan a hunga un wega entre atletanan vs coach Solange i su team di coachnan.
Wel, e punto di mas haltu tabata ora despues ku tur e 4 timnan a hunga kontra e Coachnan, tur e atletanan di tur e 4 timnan a drenta e velt i brua e coachnan. Nan no tabata sa kon pa hunga mas. Esaki komo apresio i gratitut na Coach Solange i e otro Coachnan pa tur loke nan ta hasi pa e atletanan.
Direktiva di Orca ta hopi gradesido pa e loke Coach Solange a nifika pa e organisashon di Orca i pa e aletanan di Waterpolo.
Direktiva a purba di yama Coach Solange danki di e siguinte manera;
Coach Solange,
Ta imposibel pa ekspresá nos gratitut pa medio di palabra, pero tòg nos ta hasi un intento pa medio di e plaka di gradisimentu aki: Masha danki!!
Masha danki.Coach Solange bo ta un persona maravioso!!!
